Sunday , July 22 2018
Breaking News
You are here: Home / Showbiz / Sam, basted agad kay Yassi (‘di pa man nakaka-first base)
Sam, basted agad kay Yassi (‘di pa man nakaka-first base)

Sam, basted agad kay Yassi (‘di pa man nakaka-first base)

HARAP-HARAPANG inamin ni Sam Milby sa presscon ng pelikula nila ni Yassi Pressman, ang Ang Pambansang Third Wheel, handog ng Viva Films at The IdeaFirst Company na mapapanood na bukas, Marso 7, na crush niya ang dalaga.

Ani Sam, ”Crush at type ko siya.”

Ngiti naman ang isinagot dito ni Yassi at sinabing trabaho ang prioridad niya at wala siyang panahon sa love life.

“Wala pa po ang mindset ko sa ganoon kasi tuloy-tuloy pa rin po ang taping namin sa ‘Ang Probinsyano’ kaya rin po natagalan bago namin ilabas itong pelikula so, hindi pa po siguro ngayon,” giit ni Yassi.

Ito ang ikalawang pagkakataong magsasama sina Sam at Yassi sa pelikula. Ang una ay sa Camp Sawi na handog din ng Viva.

Ginagampanan ni Yassi ang isang receptionist na naging copywriter sa isang advertising agency. Si Sam naman ay isang art director. Si Alonzo Muhlach ang gumaganap na anak ni Sam habang si Sam Pinto ang ex-wife niya.

Ang Pambansang Third Wheel ay idinirehe ni Ivan Andrew Payawal, director din ng The Comeback at I America.

Pressured si Direk Payawal dahil sa malaking chance na ibinigay sa kanya ng Viva.

“Sa mga nauna kong pelikula ako ang nag-prodyus kaya ok lang kahit hindi masyadong kumita. Itong Third Wheel, pressured ako kasi siyempre nakakahiya dahil namuhunan ang Viva kailangan maibalik iyon,”nangingiting esplika ng batang director.

SHOWBIZ KONEK
ni Maricris Valdez Nicasio

COMMENTS

About Maricris Valdez Nicasio

Scroll To Top
 

Copyright © 2009 - 2017 hatawtabloid.com | All Rights Reserved