Tuesday , March 19 2024
Sunshine Cruz

Sunshine, ‘di exhibitionist (kaya nagpapa-sexy)

NATAWA kami roon sa sinabi ng isang basher kay Sunshine Cruz, na nagsasabing may edad na siya nagpapa-sexy pa rin siya. Bakit hindi ka matatawa eh iyon ang linya talaga ng advertising campaign ng produkto na ine-endoso niya. Kahit na may edad na maaaring mapanatiling maganda ang katawan.

Nagkakatawanan nga kami, eh bakit si Sunshine ang mas napuna, kung iisipin mo mas may edad naman si Alice Dixson. Simple lang naman ang dahilan eh, si Shine talaga ang target ng paninira nila. Hindi ba noong araw pa naman ganyan na sila, sinasabihan nila si Sunshine na “bold star” daw. Mga professional hecklers at bashers na iyan, dahil nagpapalit-palit lang iyan ng pangalan sa kanilang social media account para siraan si Sunshine.

Si Sunshine naman sanay na sa ganyang mga basher eh. Talaga namang hindi siya tinitigilan ng mga iyan eh, at more or less alam naman niya kung sino ang mga iyan, kaya nga natatawanan na lang niya ang mga pinagsasabi eh.

Hindi naman exhibitionist si Sunshine. Hindi niya ginagawa iyon para i-display lang ang kanyang katawan. Hindi naman niya hanapbuhay na magbilad ng katawan. Iyon nga lang kung minsan may mga endorsement na kailangan iyon, at sinasabi ngang niya hindi iyon pagpapa-sexy kundi isang encouragement sa mga nanay na kahit na may edad na sila ay maaari pa rin silang maging maganda. Mapagsisikapan naman ang mga bagay na iyon basta tama ang kinakain at tama rin ang exercise.

Ang sinasabi nga ni Sunshine, ang gusto niya ay maka-inspire, makapagbukas ng isipan ng maraming babae na hindi dahil nagkaka-edad na sila o may mga asawa na, ok na lang iyong mukha na silang pindangga. Puwede namang kahit na tatlo na ang anak na kagaya niya, sexy pa rin.

At saka iyang ganyang katawan, pinaghihirapan naman iyan. Hindi rin tama iyong katuwiran na sige lang, lamon ng lamon, tutal naooperahan naman iyang taba. Mali rin iyong ganoon, baka pagsisihan nila iyan pagdating ng araw. Kaya nga ang sinasabi ni Sunshine, ang gusto niya ay ma-encourage ang mga tao sa right food at exercise.

HATAWAN!
ni Ed de Leon

 

 

About Ed de Leon

Check Also

Bong Revilla Jr teachers

Sen Bong kampyon ng mga guro, teaching allowance madodoble na 

SHOWBIZ KONEKni Maricris Valdez Nicasio MARAMING mga guro ang natuwa dahil aprubado na ng Senado …

Marianne Beatriz Bermundo Catriona Gray

Catriona Gray inspirasyon ng model/ beauty queen Marianne Beatriz Bermundo

MATABILni John Fontanilla BUKOD sa korononang Little Miss Universe 2021 ay dalawa pang korona ang pinanalunan ni Marianne …

Aubrey Miles Troy Montero

Aubrey and Troy bumili ng halaman sa halagang P1-M

MATABILni John Fontanilla NAKALULULA ang presyo ng isang halaman na nabili ng mag-asawang Aubrey Miles at Troy Montero …

Nadine Lustre Pia Wurtzbach

Nadine bumida sa Bulgari Studio Event

MATABILni John Fontanilla AGAW-EKSENA si Nadine Lustre nang dumalo sa Bulgari Studio Event na ginanap sa Seoul South Korea …

blind item

Male sexy star sustentado ng showbiz netizen

ni Ed de Leon MAY tsismis na nagkita raw muli ang isang dating male sexy star at …

Leave a Reply

Your email address will not be published. Required fields are marked *