Tuesday , March 19 2024

Luis at Toni, iimbitahan ni Ogie (para magturo)

ISA kami sa naimbitahan ni Ogie Diaz sa bagong tayo niyang Ogie Productions: Meerah Khel Studio na katabi ng kanyang tahanan sa 46 Sct. Madrinan, Diliman, Quezon City. Extension iyon ng kanyang acting workshop na isinasagawa niya sa kanyang opisina sa Tomas Morato.

Sa pakikipagkuwentuhan namin kay Papa Ogs (tawag namin kay Ogie), inihanda niya ang pagpapatayo ng naturang tanggapan para sa nalalapit na Summer Workshop na daragdagan niya ng voice lessons at hosting bukod sa isinasagawang acting workshop.

“Tatlong taon ko nang ginagawa ito. Noong una anim pa lang ang estudyante namin hanggang sa naging walo, sampu. Ngayon, 16 na ang workshopper naming na ginagawa ng magagaling na actor tulad nina Aiko Melendez, Rohn Morales, Lester Lansang, Candy Pangilinan at Beverly Vergel.

“Sa events and hosting naman, ang facilitator namin kukunin ko sina Bob Novales (nagvo-voice over sa ASAP), MJ Felipe para sa TV, at Loi Villarama para naman sa event hosting.

“Crash course lang ito kaya inaalam pa naming kung gaano kahaba ang ilalaan sa events workshop,” paliwanag ng magaling na komedyante.

Ayon kay Ogie, naisasama niya sa mga guesting sa teleserye at ibang show sa ABS-CBN ang ilan sa mga sumasailalim sa Ogie Diaz Acting Workshop kapag nakitaan niya ng potensiyal.

“Ito (pagkasama sa teleserye) na bale ýung pinaka-certificate nila o diploma. Kaya kung hindi kita naibu-book sa mga show, ibig sabihin, workshop pa more.”

Gustong imbitahan ni Ogie sina Luis Manzano at Toni Gonzaga para sa hosting lesson.

“Iimbitahan ko pa lang sila kasi nakakahiya naman kung wala silang oras. Pero nagsabi na sila sa akin na  gusto nila mag-giveback. Gusto nila mag-share ng kanilang knowledge sa kaunting panahon. Masarap din kasi ang feeling na nakakapagbigay ka ng inputs,” paliwanag ni Ogie.

Kaya sa mga interesado sa acting, hosting, at event workshop, mag-enrol lamang sa Ogie Diaz Acting Workshop na mayroon silang fan page nito o mag-email sa [email protected]. Ito ay bukas para sa 7-12 years old para sa acting kids workshop at ang teens naman ay 13-40 years old.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Marianne Beatriz Bermundo Khristine Kate Almendras Ornopia

Young beauty queens Marianne at Khristine gustong sundan yapak ni Kathryn 

ni ALLAN SANCON  KASABAY ng paglulunsad ng 3rd edition ng Aspire Magazine na ginanap sa Robinson’s Novaliches …

Pia Wurtzbach Khristine Kate Almendras Ornopia

Pia Wurtzbach idolo ni Miss Universe SuperGrand Prix 2023 Khristine Ornopia

MATABILni John Fontanilla MAGANDA, matangkad, at napakahusay sumagot sa mga katanungan ang 12 year old …

Teejay Marquez

Teejay Marquez dream house ipinagagawa na  

MATABILni John Fontanilla SINISIMULAN nang gawin ang dream house ni Teejay Marquez sa Quezon City. Kuwento nito …

Bong Revilla Jr teachers

Sen Bong kampyon ng mga guro, teaching allowance madodoble na 

SHOWBIZ KONEKni Maricris Valdez Nicasio MARAMING mga guro ang natuwa dahil aprubado na ng Senado …

Marianne Beatriz Bermundo Catriona Gray

Catriona Gray inspirasyon ng model/ beauty queen Marianne Beatriz Bermundo

MATABILni John Fontanilla BUKOD sa korononang Little Miss Universe 2021 ay dalawa pang korona ang pinanalunan ni Marianne …

Leave a Reply

Your email address will not be published. Required fields are marked *