Saturday , May 26 2018
Breaking News
You are here: Home / Showbiz / Carlo, personal choice ng Spring Films produ
Carlo, personal choice ng Spring Films produ

Carlo, personal choice ng Spring Films produ

SAMANTALA, sa programang Gandang Gabi Vice napanood ni Erickson si Carlo Aquino at dito siya nagka-idea na kunin sa movie project niya.

“Casting palang kami, tapos nanonood ako ng ‘GGV’, guests sina Carlo at JC (de Vera) para roon sa promo ng serye nila, ano nga ‘yun?” tanong sa amin na sinagot namin ng The Better Half.

“Iyon nga, nagulat ako kasi ang Carlo na nasa isip ko, totoy pa, eh, noong nakita ko siya sa ‘GGV’, mama na at ang ganda ng rehistro niya.

“So, the next day nabanggit ko rito sa office na si Carlo nga tapos napanood din pala nila ang ‘GGV’ at lahat sila nag-agree nga.

“Then nag-meeting na kami sa Spring Films, kami nina Tonette (Jadaone), si Joyce Bernal, Irene (Villamor) nagka-casting palang kami for a movie project.

“Kasi ‘di ba ganoon ‘yung mga gusto namin na magagaling na hindi masyadong napapansin, then nag-agree silang lahat. Kaya noong sinabi ko na si Carlo sa ‘St. Gallen,’ lahat umokey. Sinabi ko naman ito kay Carlo na siya ang choice ko for St. Gallen,” buong kuwento sa amin.

Inimbita nga ni Erickson ang program manager ng GGV na si Lani Gutierrez.

“To give ano rin (credit) kasi sa show niya (Lani) ko napanood si Carlo,” sabi pa.

‘Bakit sa St. Gallen ang shooting ng movie,’ tanong namin sa Spring Films producer.

“Si Irene ang sumulat at konsepto niya may Christmas Village.

“Kaya naghanap sila kung saan (bansa) ang may Christmas Village. Hindi ko nga rin alam kung saan ‘yung St. Gallen, siya (Irene) ang nag-research.

“Plano nga kasi December gagawin (shooting) tapos ipalalabas namin ng January, right after MMFF para dikit pa sa Pasko. Eh, noong ginagawa na, sabi, let’s not be pressured by time, kaya ngayon Pebrero na,” paliwanag sa amin.

So pagkatapos ng Japan at Switzerland, saan namang bansa ang susunod na location ng Spring Films?

“Sa Marawi,” natawang sagot sa amin.

Gagawing pelikula ng Spring Films ang nangyari sa Marawi City at kung hindi magbabago ay sa Marso na gigiling ang kamera.

FACT SHEET
ni Reggee Bonoan

COMMENTS

About Reggee Bonoan

Scroll To Top
 

Copyright © 2009 - 2017 hatawtabloid.com | All Rights Reserved