Sunday , August 19 2018
Breaking News
You are here: Home / Sports / Ross, pinagmulta: Mga opisyal, suspendido
Ross, pinagmulta: Mga opisyal, suspendido

Ross, pinagmulta: Mga opisyal, suspendido

NAGPATAW ng multa at suspensyon ang Philippine Basketball Association sa mga personalidad na sangkot sa free throw fiasco na tumapok sa kontrobersyal na pagtatapos ng 100-96 tagumpay ng Ginebra kontra San Miguel sa 2018 PBA Philippine Cup kamakalawa.

Tumatagintin na P20,000 na multa ang ipinataw kay Chris Ross ng San Miguel bunsod ng paglalahad ng ‘di angkop na pahayag na makakasira sa liga.

Dagdag pa rito ay nakatanggap rin siya ng P5,800 dahil sa kanyang dalawang technical fouls.

READ MORE:  Mallillin lipat-bakod mula La Salle pa-Ateneo

Nasuspinde rin ang apat na opisyal sa naturang laro na sina Mardy Montoya, Noy Guevarra, Jerry Borja at Jimmy Mariano gayundin ang book scorer na si Lito Mendegoria at coliseum barker na si Noel Zarate.

Magugunitang sa huling 4.5 segundo ng laro, itinira ni Ross ang free throw na para dapat sa kakampi niyang si Chico Lanete. Bunsod nito, natawagan siya ng technical foul ayon sa batas ng liga dahil sa “deliberately taking the place of a designated shooter.”

READ MORE:  SMB kayang talunin

Binatikos at kinontra ito ni Ross dahil aniya ay ang mismong referee na si Guevarra ang nagbigay sa kanya ng bola at binanggit din aniya ng barker ang kanyang pangalan para sa free throws.

Sa gitna nito, inamin ng PBA pagkatapos mismo na may mali rin ang kanilang mga opisyal ngunit nanindigan sa itinawag na technical free throw dahil anoman ang mangyari ay alam naman ng manlalaro kung sino ba talaga ang dapat na titira ng free throw.

READ MORE:  Sangalang lalaro sa FIBA 3x3

Napatawan din ng P5,000 multa si Troy Rosario ng TNT dahil sa landing spot infraction kontra sa Magnolia noong nakaraang Sabado.

ni JOHN BRYAN ULANDAY

COMMENTS

About John Bryan Ulanday

Scroll To Top
 

Copyright hatawtabloid.com | All Rights Reserved