Thursday , May 24 2018
Breaking News
You are here: Home / News / Nakaburol na bangkay natupok sa sunog (Sa Baguio City)

Nakaburol na bangkay natupok sa sunog (Sa Baguio City)

NATUPOK ang 10 bahay gayondin ang ibinuburol na isang bangkay sa naganap na sunog sa Baguio City, nitong Lunes.

Salaysay ng nasunugan na si Faye Carreon, sa Huwebes nakatakdang ilibing ng kanilang pamilya ang namayapa niyang asawa.

Hinihintay lang aniya nilang makauwi ang anak na galing Japan, ngunit wala nang aabutang lamay makaraan matupok ang labi ng kanilang padre de familia.

“Naamoy na lang namin na may nasusunog na plastic, tapos nakita na lang po namin na nasu-sunog na ‘yung bahay ng kapitbahay. Kinatok ko na po lahat ng pintuan nila para makalabas, pero di na po namin nailabas ‘yung asawa ko,” sabi ni Carreon.

Umabot sa 12 pamilya ang apektado ng sunog na hindi pa batid kung ano ang sanhi ngunit walang nasaktan sa insidente.

(ROWENA MARQUEZ)

 

 

COMMENTS

About Rowena Marquez

Scroll To Top
 

Copyright © 2009 - 2017 hatawtabloid.com | All Rights Reserved