Wednesday , September 19 2018
Breaking News
You are here: Home / Showbiz / Guy at Charo, iminungkahing pagsamahin sa Sixty in the City

Guy at Charo, iminungkahing pagsamahin sa Sixty in the City

MAY nag-react agad sa teaser posting namin sa Facebook (FB) ng tungkol sa posibleng pagbibida ni Charo Santos sa isang pelikula ng BG Productions International ni Ms. Baby Go.

Ang pagsasapelikula ng nobelang Sixty in the City na akda ng premyadong writer na si Lualhati Baustista ang project na ‘yon. Si Charo mismo ang nag-suggest kay Mel Chionglo na baka gustong i-produce ng kompanya ni Ms. Go ang naturang nobela (at si Mel ang magdidirehe ng pelikula).

Ilang oras lang pagka-post ng teaser na ‘yon, may mga nag-react na, kabilang na ang bantog na novelist na si Ms. Bautista. Aniya, sa tatlong bidang babae sa nobela n’ya, ang isa ay bagay nga kay Charo at ‘yung isa naman ay bagay kay Nora Aunor. 

Magka-singtimbang din ang kahalagahan ng dalawang tauhan na ‘yon sa nobela.

Actually, reply ‘yon ni Lualhati sa isang “Mell” na parang nagtanong yata sa kanya kung isa sa tatlong lead characters ay bagay kay Ate Guy.

Hindi lumabas sa FB Timeline namin ‘yung posting niyong “Mell” kaya ‘di namin masiguro kung sino ‘yon. Ang lumabas sa aming Timeline ay reaction ng isang Arturo De los Santos na kinu-quote ang pahayag ni Lualhati.

Lumabas sa Timeline namin ang reply ni Lualhati dahil ‘di lang FB friends kami kundi dahil na rin naka-tag sa kanya ang teaser posting na ‘yon.

Walang reaction si Lualhati tungkol sa kung may negotiations na with her tungkol sa film rights (karapatang magsapelikula) ng nobela n’ya, at kung siya pa rin ang susulat ng screenplay na gaya ng nakaugalian na kung nobela n’ya ang isinasapelikula.

May bulong-bulungan sa film industry na mataas ang presyo ng film rights ng mga nobela ni Lualhati. Mataas din ang singil n’ya sa pagsulat ng script na kailangang buo na ang bayad sa kanya pagdeliver ng script.

Kung mataas ang film rights ng nobela ni Lualhati, gaano kataas kaya ang talent fee ni Charo na premyadong aktres, host ng top-rating Maala-ala Mo Kaya, at isa sa top executives ng napaka-profitable network na ABS-CBN?

Kayanin din kaya ng budget ng BG Productions ang talent fee ng superstar na si Aunor?

Gaano kalaki kaya ang magiging budget ng pelikulang Sixty in the City? Matuloy kaya ito?

KITANG-KITA KO
ni Danny Vibas

COMMENTS

About Danny Vibas

Scroll To Top
 

Copyright hatawtabloid.com | All Rights Reserved