Wednesday , September 19 2018
Breaking News
You are here: Home / Bulabugin / Bagong comfort rooms sa NAIA terminal 2 ikinatuwa ng balikbayans at iba pang pasahero
Bagong comfort rooms sa NAIA terminal 2 ikinatuwa ng balikbayans at iba pang pasahero

Bagong comfort rooms sa NAIA terminal 2 ikinatuwa ng balikbayans at iba pang pasahero

ISA tayo sa mga natuwa nang makita natin na nadagdagan na ang comfort rooms sa Ninoy Aquino International Airport (NAIA) Terminal 2.

Wala na tayong nakitang mahabang pila sa comfort rooms lalo na sa mga babae hindi gaya nang dati.

Tuluyan na rin bumango ang simoy ng hangin sa NAIA terminal 2 kasi nga wala nang panghing naaamoy.

Aba e halos ilang panahon nating pinuna ang kapabayaan ng mga nagdaang administrasyon sa pagpapagawa at maintenance ng comfort rooms sa NAIA.

E dito pala sa administrasyong Duterte sa ilalim ng pinagkakatiwalaan niyang si Manila International Airport Authority (MIAA) general ma-nager Ed Monreal e mabilis na mabilis niyang magagawa ang matagal nang hinaing ng mga Balikbayan, turista at iba pang pasahero na nagyayaot sa NAIA.

Ang daming nagpakilalang action man lalo na ang isang ‘honduropot’ pero ang ginawa lang e humakot ng pagkakakitaan sa NAIA.

Bilyones ang budget sa repair ng Airport pero hindi natin nakita noon ang itsura ngayon ng airport.

Malinis, mabango, walang sandamakmak na ‘vendor’ sa loob at naglaan ng mga upuan para sa mga pasahero at sa kanilang well-wishers at higit sa lahat papasok palang sa NAIA, naka-hook ka na sa wi-fi.

Mabuti na lang at mayroong isang GM Ed Monreal na seryosong gumanap sa kanyang tungkulin, obligasyon at responsibilidad.

Mabuhay ka GM Ed Monreal!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved