PNP nagbuo ng special team (Para sa pinaslang na pari)

NAGBUO ang Philippine National Police (PNP) ng special team para sa imbestigasyon sa pagpaslang sa retiradong pari na si Marcelito Paez sa Nueva Ecija, nitong Lunes ng umaga.

Sinabi ni PNP spokesperson, Chief Supt. Dionardo Carlos, ang Special Investigation Task Group (SITG) ay pamumunuan ni Senior Supt. Eliseo Tanding, Nueva Ecija police provincial director.

Si Tanding ay susuportahan ng mga imbestigador at national support units mula sa Police Regional Office (PRO) 3.

Dagdag ni Carlos, nagbuo rin ng regional task group, pamumunuan ni Senior Supt. Rolando Llanera, PRO 3’s deputy director for operations.

Si Llanera ang mangangasiwa sa proseso ng imbestigasyon na isasagawa ng SITG, dagdag ng spokesman.