Saturday , February 24 2018
Breaking News
You are here: Home / News / 5 sugatan sa trailer truck vs UV express
5 sugatan sa trailer truck  vs UV express

5 sugatan sa trailer truck vs UV express

PAWANG sugatan ang apat pasahero at driver ng isang UV express makaraan banggain ng isang trailer truck sa kanto ng Taft at Ayala avenues sa Maynila, dakong 4:00 am nitong Linggo.

Ayon sa ulat, tumagilid at nawasak ang van, at basag ang mga salamin.

Salaysay ng mga saksi, mabilis ang takbo ng truck at “beating the red light” pa.

Ayon sa isang pasahero, 11 segundo pa lamang na naka-go ang lane nila nang sumalpok ang truck.

Saglit na huminto ang truck ngunit dumeretso ng takbo.

Naharang siya sa kanto ng UN at Quirino avenues kaya kusa nang sumuko sa mga pulis. Agad siyang dinala sa Manila Traffic Bureau para imbestigahan.

Samantala, bahagyang na-tagalan ang pagsagip sa mga sugatan.

Halos isang oras bago dumating ang rescue teams.

Nasugatan sa iba’t ibang bahagi ng katawan ang mga pasahero at driver ng van na pawang dinala sa Ospital ng Maynila.

COMMENTS

About hataw tabloid

Scroll To Top
 

Copyright © 2009 - 2017 hatawtabloid.com | All Rights Reserved