Wednesday , November 14 2018
Breaking News
You are here: Home / Sports / James ejected (Sa kauna-unahang pagkakataon)
James ejected (Sa kauna-unahang pagkakataon)

James ejected (Sa kauna-unahang pagkakataon)

SA 1,081 salang sa regular season ng  National Basketball Association, hindi pa napapaalis sa laro si LeBron James.

Ngunit natapos na ang streak na iyon nang mapatanggal niya sa kanyang ika-1082 laro at ika-1299 kung isasama ang playoffs sa kalagitnaan ng kanilang 108-97 panalo kontra Miami Heat kahapon sa umaatikabong 2017-2018 season.

Sa 1:56 marka ng ikatlong kanto kung kailan lamang ang Cavs, 93-70 kontra sa Heat, nasaksihang nagpakawala ng suntok sa hangin si James at kinompronta ang referee na si Kane Fitzgerald na nagresulta sa kanyang dalawang magkasunod na technical tungo sa ejection.

READ MORE:  Asi Best Player of The Conference sana

Sa kabila nito, nagtapos pa rin si James na may 21 puntos, 12 rebounds, 6 steals at 5 assists sa ika-9 na  sunod na panalo ng Cavs. Ikatlo  na ngayon ang Cleveland sa Eastern Conference sa 14-7 kartada matapos ang maalat na 5-7 simula.

READ MORE:  Indonesia durog sa Batang Gilas

Humalalili si Kevin Love sa kanyang kakampi sa pagkayod ng 38 puntos at 9 na rebounds sa 25 minuto lamang.

Sa iba pang resulta ng NBA, tinusta ng Suns ang Bulls, 104-99, umeskapo ang Wizards sa Timberwolves, 92-89, binaon ng Jazz ang Nuggets, 106-77 at tinambakan ng Bucks ang Kings, 112-87.

READ MORE:  Philippine Superliga Beach Volleyball Challenge Cup

Sa mga laro ngayong araw, babalikwas ang Miami sa New York, babawi rin ang Phoenix sa Detroit, maghaharap ang Oklahoma at Orlando gayondin ay magsasagupa ang Washington at Philadelpia.

Magsasalpokan ang Hornets at Raptors, Rockets kontra Pacers, Wolves at Pelicans, Nets at Mavericks gayondin ang Spurs-Grizzlies at Warriors-Lakers. (JBU)

COMMENTS

About John Bryan Ulanday

Scroll To Top
 

Copyright hatawtabloid.com | All Rights Reserved