Sunday , July 22 2018
Breaking News
You are here: Home / News / 60 hubad-baro, tomador sa kalye arestado
60 hubad-baro, tomador  sa kalye arestado

60 hubad-baro, tomador sa kalye arestado

UMABOT sa 6o katao ang nadakip sa Maynila dahil sa paglabag sa city ordinance gaya ng hubad-baro at umiinom ng alak sa publiko.

Sa inilatag na seguridad para sa ASEAN Summit, nagkasa ng operasyon ang Manila Police District sa Malate, nitong Biyernes ng gabi, at dinampot ang mahigit 60 katao na walang damit pang-itaas at umiinom ng alak sa mga pampublikong lugar.

Ayon sa ulat, ang dinampot ay kinabibilangan ng 20 nahuling walang suot pang-itaas, 38 umiinom ng alak sa pampublikong lugar, kabilang ang tatlong menor de edad, at 10 iba pa.

Inaresto rin ang number 3 most wanted ng Malate Police Station, na si Arsenio Quintana Jr., tinutugis sa kasong attempted murder.

“Nag-iinoman sila. After verification, nakita natin na mayroon pala siyang warrant of arrest,” ayon kay Chief Inspector Paulito Sabulao, commander ng Arellano PCP.

Ang mga lumabag sa ordinansa ay kinasuhan habang pinauwi ang mga sumailalim sa verification at natagpuang walang kaso.

“Itong aming operation na simultaneous anti-crime, law-enforcement operation ay in preparation sa ginaganap na ASEAN,” ani Quintana.

COMMENTS

About hataw tabloid

Scroll To Top
 

Copyright © 2009 - 2017 hatawtabloid.com | All Rights Reserved