Tuesday , November 21 2017
Breaking News
You are here: Home / News / 1 patay, 7 sugatan sa jeep vs motorsiklo
1 patay, 7 sugatan sa jeep vs motorsiklo

1 patay, 7 sugatan sa jeep vs motorsiklo

PATAY ang isang motorcycle rider habang sugatan ang kanyang angkas gayondin ang anim pasahero ng isang jeep makaraan magbanggaan ang dalawang sasakyan sa lungsod ng San Juan, kamakalawa.

Kinilala ang biktimang namatay na si Dominic Peñaflor, nasa hustong gulang, at nakatira sa Makati City. Siya ay na-sandwich ng pampasaherong jeepney at poste ng Light Rail Transit Line 2 (LRT-2).

Samantala, sugatan ang kanyang backrider na si John Michael Peñaflor Valtar, gayondin ang anim pasahero ng jeep, na kinabibilangan ng dalawang bata at mag-asawa, pawang isinugod sa pagamutan.

Habang nakapiit sa himpilan ng pulisya  ang driver ng pampasaherong jeep na si Rodel Ventura, nahaharap sa kasong reckless imprudence resulting in homicide, multiple physical injuries at damage to property.

Batay sa ulat ng San Juan City Police, dakong 3:30 am, nang maganap ang insidente sa kahabaan ng Aurora Boulevard kanto ng G. Reyes Street sa Brgy. Salapan.

Binabagtas ng jeep ang kahabaan ng Aurora Boulevard nang pagsapit sa naturang lugar ay mahagip ang motorsiklo ni Peñaflor na noon ay nakapormang mag-U-turn.

Dahil sa bilis ng takbo ng pampasaherong jeep ay naka-ladkad ang motorsiklo hanggang tuluyang bumangga sa poste ng LRT-2, kaya naipit ang biktima, sa pagitan ng bumper ng jeep at ng LRT-2 post, na agad niyang ikinamatay. (ED MORENO)

COMMENTS

About Ed Moreno

Scroll To Top

Copyright © 2009 - 2017 hatawtabloid.com