Tuesday , June 19 2018
Breaking News
You are here: Home / Showbiz / Marc Cubales, lagare sa 2 int’l movie at album
Marc Cubales, lagare sa 2 int’l movie at album

Marc Cubales, lagare sa 2 int’l movie at album

BAGONG Mark Cubales ang nakaharap namin isang gabi sa Cafe Marla-Coffet sa Sct. Limbaga, Quezon City dahil para pala iyon sa isang international movie na ginagawa niya.

Nagpa-iba ng kulay ng buhok, gumanda ang katawan, at hindi itinangging ipinaayos ang ilong para sa mga proyektong natanguan nila ng kanyang handler. 

Ang tinutukoy namin ay ang The Syndicates na kinunan sa Vietnam at dito sa ‘Pinas.

Ani Marc, ang kanyang dating handler sa UK ang gustong baguhin ang imahe niya. 

“Maikli lang po ang role ko sa ‘The Syndicates’. Isang Twinkish gay ang role ko na parte ng isang sindikato at anak ng isang maimpluwensiyang pamilya sa ‘Pinas,” kuwento ni Marc.

Bukod sa The Syndicates, ang isang pelikula pang gagawin niya ay isang Hollywood movie naman na gagawin sa Taipei.

“Puro Asian look naman ang hanap nila rito at ‘yung wala pang nagagawang movie kaya swak na swak ako rito,” kuwento pa ni Marc.

Nagvo-voice lesson din si Marc para paghandaan ang isang album na ire-record niya.

“Magiging apat na ang kanta ko ha ha ha,” pagbibiro nito sa amin pero iginiit na  talagang seryoso sa mga trabahong natanguan ngayon. Kaya naman dinibdib ang pagpapaganda ng katawan.

“Hindi naman kailangang magkaroon ako ng abs, kailangan lang maging lean ang katawan ko. And so far okey naman at natutuwa ako sa nangyayari sa akin ngayon,” sambit pa ng model/entrepreneur.

Umaasa si Marc na ito na ang umpisa ng lalo pang papagandang career niya sa showbiz.

SHOWBIZ KONEK
ni Maricris Valdez Nicasio



COMMENTS

About Maricris Valdez Nicasio

Scroll To Top
 

Copyright © 2009 - 2017 hatawtabloid.com | All Rights Reserved