Friday , October 19 2018
Breaking News
You are here: Home / News / Panawagan ng 16 senador kay Digong: Pagpatay sa minors itigil
Panawagan ng 16 senador kay Digong: Pagpatay sa minors itigil

Panawagan ng 16 senador kay Digong: Pagpatay sa minors itigil

NANAWAGAN ang mga mambabatas kay Pangulong Rodrigo Duterte na ipatigil ang walang kapararakang pagpatay sa mga kabataan o menor-de-edad.

Napag-alaman, 16 sa 23 senador ang lumagda sa Senate Resolution 516, nananawagan sa administrasyong Duterte “to undertake the necessary steps to stop the senseless killing, especially of our children and to conduct an inquiry, in aid of legislation, to determine the institutional reasons, if any that give rise to such killings.”

Batay sa resolusyon, dapat sundin ang 1987 Constitution, ang United Nations Convention on the Rights of the Child, at ang Juvenile Justice Act, gayondin ang iba pang batas at international agreements, para mapanatili ng estado ang katiyakan na maprotektahan ang mga bata mula sa pang-aabuso at gayondin ang kanilang karapatan

READ MORE:  Parak tepok sa boga ng kaaway

Base sa data mula sa Children’s Legal Rights and Development Center, tinatayang nasa 54 menor de edad na ang napatay sa police operations o vigilante-style killings mula noong Hulyo 2016, unang buwan ng administrasyong Duterte.

READ MORE:  Ayon sa LTFRB: Driver sa fields trips dapat may sertipikasyon

Nabanggit din sa nasabing resolusyon ang pagkamatay sa anti-drug operations nina Kian Lloyd Delos Santos, Carl Angelo Arnaiz, at Reynaldo De Guzman, alyas Kulot



Nilagdaan ang nasabing resolution nina Senators Francis Pangilinan, Bam Aquino, Joel Villanueva, Risa Hontiveros, Ralph Recto, Franklin Drilon, JV Ejercito, Antonio Trillanes IV, Sherwin Gatchalian, Panfilo Lacson, Grace Poe, Nancy Binay, Francis Escudero, Sonny Angara, Loren Legarda at Leila de Lima.

READ MORE:  Xavier HS stud nagtangkang mag-suicide sa 5/F (Problemado sa pamilya)

Hindi lumagda sa nasabing resolution sina Senate President Aquilino Pimentel III, Majority Leader Vicente Sotto III, Senators Richard Gordon, Cynthia Villar, Juan Miguel Zubiri, Gregorio Honasan, at Manny Pacquiao.

(CYNTHIA MARTIN)



COMMENTS

About Cynthia Martin

Scroll To Top
 

Copyright hatawtabloid.com | All Rights Reserved