Friday , February 23 2018
Breaking News
You are here: Home / Sports / Tenorio itinanghal na PBA Player of the Week
Tenorio itinanghal na PBA Player of the Week

Tenorio itinanghal na PBA Player of the Week

MATAPOS pangunahan ang pagsagasa ng Barangay Ginebra sa Globalport kamakalawa, sinungkit ni LA Tenorio ang PBA Press Corps Player of the Week na parangal para sa ikalawang linggo ng 2017 PBA Governors’ Cup.

Pumukol ang 33-anyos na ‘Gineral’ ng 29 puntos sahog na ang 5 tres, 5 rebounds at 4 assists sa 124-108 madaling panalo ng Gin Kings kontra Batang Pier para sa kanilang unang panalo sa season-ending conference.

Ginapi ng 2-time Finals MVP na si Tenorio sina Kevin Alas, Carlo Lastimosa at Alex Mallari ng NLEX, Paul Lee at Ian Sangalang ng Star, June Mar Fajardo at Marcio Lassiter ng San Miguel, Jayson Castro at Troy Rosario ng TNT, Jared Dillinger at Reynel Hugnatan ng Meralco at ang kasangga niyang si Greg Slaughter.

“Kompiyansa ako kasi may apat akong malalaki sa ilalim. Malaking bagay ‘yun. I think masyado naka-focus sa ilalim kaya nao-open up mga guards sa labas,” pag-amin ni Tenorio sa higanteng line-up ng Ginebra na sina Justin Brownlee, Joe Devance, Japeth Aguilar at ang nagbabalik mula injury na si Slaughter.

Susubukan iangat ng Ginebra sa 2-1 ang kanilang kartada kontra Kia Picanto sa darating na Miyerkoles matapos matalo sa unang laban kontra sa karibal na Meralco Bolts na dinaig nila noong nakaraang taong Finals ng Govs’ Cup. (JBU)

COMMENTS

About John Bryan Ulanday

Scroll To Top
 

Copyright © 2009 - 2017 hatawtabloid.com | All Rights Reserved