Monday , October 15 2018
Breaking News
You are here: Home / News / 4 arestado sa drogang mula Mexico

4 arestado sa drogang mula Mexico

INIHARAP sa media nina Bureau of Customs – Enforcement Group chief, Deputy Commissioner Ariel Nepomuceno at X-ray project director, Major Jaybee Raul Cometa ang mga shabu na nakalagay sa parcel tube mula sa Mexico na tinatayang umabot sa halagang P15 milyon matapos itong masabat ng mga tauhan ng Customs Anti-Illegal Drugs Task Force sa NAIA Terminal 3 mula sa apat na suspek na kinilalang sina Alnar Sultan, Isnairah Pundato, Jamal Tantao at Casan Rangaig. (BONG SON)

INARESTO ang apat katao kabilang ang isang babae, ng Bureau of Customs (BOC) dahil sa package na may lamang methamphetamine hydrochloride o shabu.

READ MORE:  Russia handang umayuda sa PH nuclear infra

Ang package na may timbang na 20.6 kilos ay idineklarang Sikaflex Sealant nang dumating sa Maynila, dalawang linggo na ang nakararaan na ipinadala ng Home Depot sa Mexico.

READ MORE:  Maling ulat sa bidding process, nilinaw ng DND

Ayon kay BOC District III Collector ED Macabeo, ang package na nasa DHL warehouse sa Pasay City ay naka-consign sa isang James Corpuz ng Blk. 1 Lot 3, Victorian, Fairview, Quezon City.

Inutusan ni Macabeo ang kanyang mga tao na magsagawa ng monitoring sa DHL office upang matukoy ang kukuha ng package.

READ MORE:  Magturingan tayo bilang magkapatid (Duterte sa China)

Kahapon, dumating ang apat na lalaki, kinilalang sina Casan Osir Rai-nang ng Bautista St., Quiapo, Maynila; Jamal Ami-nah Tantao ng Fairview, Quezon City; Alnor Sultan Pundato ng Sitio Kamunoy St., Quezon City at Isnairah Durannun Pundato ng Capitol Estate, Batasan Hills, Quezon City para kunin sa DHL warehouse ang package.

Pero sa isinagawang inspeksiyon, nadiskubre na mahigit sa 20 kilo ng shabu ang nakapasak sa 25 piraso ng cylindrical tubes ng Sikaflex Sealant, na tinatayang may street value na P12-P15 milyon.

Agad inaresto ang mga suspek saka ibinigay sa pangangalaga ng Phi-lippine National Police habang ang droga ay ini-lagay sa kustodiya ng Philippine Drug Enforcement Agency (PDEA) para sa kaukulang disposisyon.

JSY

 

COMMENTS

About JSY

Scroll To Top
 

Copyright hatawtabloid.com | All Rights Reserved