Sunday , February 18 2018
Breaking News
You are here: Home / Showbiz / Kinita ng show ni ToKen Lizares, idinonate
Kinita ng show ni ToKen Lizares, idinonate

Kinita ng show ni ToKen Lizares, idinonate

 

NOONG July 9, Linggo ay naibigay na ng Charity Diva na si Token Lizares sa isang bed-ridden showbiz writer na si Richard Pinlac ang kinita ng kanyang charity show, ang Reunited na ginanap sa RJ Bistro Bar noong July 1.

Pinuntahan namin si Richard sa kanilang tahanan sa Bacoor, Cavite at sa unang kita nito sa ami ay humagulgol na ito ng iyak.

Kahit hirap sa pagsasalita ng ‘Thank you’ ay sobra ang ngiti ni Richard sa kaligayahang ibinigay ng Charity Diva,

At dahil sa tuwa, napakanta pa ito ng Dahil Sa’Yo ni Ruben Tagalog.

Sa ngayon, medyo bumubuti na ang kalagayan ni Richard dahil naigagalaw na ang kaliwang braso. Nakakaupo na rin ito sa kanyang wheelchair at nakakain sa mesa. Nakakapanood na rin ng palabas sa TV at hindi na pahirapan ang nagpapaligo sa kanya. Ang medyo masaklap lamang, biktima rin ng stroke ang kanyang ama at 10 taon na itong iniinda ang karamdaman. Kompara kay Richard, nakakaupo na ang kanyang ama sa bangko at maayos makipag-usap.

Maliban kay Ms Token, si Mercy Lejarde at ang inyong lingkod kasama si Ms. Tere ay masaya naming nilisan ang tahanan ng mga Pinlac at umaasang makababalik sa madaling panahon.

STARNEWS UPLOAD – Alex Datu

COMMENTS

About Alex Datu

Scroll To Top
 

Copyright © 2009 - 2017 hatawtabloid.com | All Rights Reserved