Beauty queen, mahilig tumikim ng kakanin pero ‘di naman bumibili

ISINUSUMPA pala ng mga tindera ng kakanin ang beauty queen-turned-actressna itey dahil sa bulok nitong style sa tuwing mapapadaan sa kanilang puwesto.

“Naku, kung mamalasin ka nga naman, oo! Banned na sa amin ang hitad na ‘yon! Imadyin, ang style niya kapag magagawi sa puwesto namin, eh, ‘Ale, ale, masarap ba ‘yang tinda mong biko?’ Siyempre, oo naman ang isasagot namin. ‘Oo, ma’am, masarap na masarap, ‘di ka magsisisi kapag bumili ka. Eto, tumikim ka.’ Ang gagah, titikim naman. Hala, nabusog na yata sa katitikim, ang ending, lalayas na siya! Hindi na rin siya bumili!’”

‘Yun at ‘yon din daw ang drama ng aktres sa mga kalapit na puwesto. Mapapadaan, magtatanong kung masarap ‘yung mga nasa bilao, titikman, at kapag halos maubos na ‘yung pang-free taste ay bigla na lang magbababu nang hindi naman bumibili.

“Hay, markado na ‘yang hitad na ‘yan sa aming mga tindera. Kaya kapag mapapadaan ‘yan sa puwesto namin, antimano sinasabi na namin sa kanya na wala nang libreng tikim dahil sa mahal ng mga sangkap!” sey ng aming nakatsikahan.

Da who ang dating beauty queen na nag-showbiz na taste lang nang taste ng lafang pero wa naman sa pagka-buy? Itago na lang natin siya sa alyas na Isadora Kapal-fez. (Ronnie Carrasco III)