Monday , November 20 2017
Breaking News
You are here: Home / Hataw Extras / Panaginip mo, Interpret ko: Natatangay sa malalaking alon, ikinakasal sa karelasyon
Panaginip mo, Interpret ko: Natatangay sa malalaking alon, ikinakasal sa karelasyon

Panaginip mo, Interpret ko: Natatangay sa malalaking alon, ikinakasal sa karelasyon

 

Hello po Señor H.,

Anu po meaning dream q mallakng alon, mnsan po ntatangay aq, tpos ikinakasal naman dw ako s karelasyon ko at naiyak ako…

God bless po sa inyo, I’m Georgie (09392649056)

To Georgie,

Maaaring nagpapaalala ito sa iyo ukol sa isang mahalagang desisyon na dapat gawin. O kaya naman, nakagawa ka ng isang napakalaking pagkakamali sa ginawa mong desisyon. Maaaring nangangahulugan ito ng mga hadlang at sagabal sa iyong mga bagay na gustong gawin.

Ito ay nagpapakita rin ng pagpipilit na malagpasan ang isang mabigat na pagsubok. Puwedeng nagpapahiwatig ang bungang-tulog mo na ang iyong mga minimithi sa buhay ay magiging abot kamay na kapag dinagdagan pa ang pagsisikap.

Alternatively, posibleng nangangahulugan ito ng kagustuhan mong magkaroon ng privacy. Maaari rin namang nagsasaad ang panaginip mo ng pagdadalawang-isip sa isang bagay o desisyon na dapat mong isakatuparan.

Ang panaginip hinggil sa kasal ay nagsasaad ng mga bagay na may kinalaman sa commitment, harmony o transitional period. Ikaw ay maaaring sumailalim sa isang mahalagang pagbabago sa iyong buhay.

Ang ganitong panaginip ay maaaring nagre-represent ng pagsasanib ng dating magkahiwalay o magkaibang aspekto ng iyong pagkatao. Posible rin na nagpapahiwatig ito ng pagsasama ng masculine o feminine na aspekto ng iyong sa-rili.

Dapat ikonsidera ang qualities at characteristics ng taong pakakasalan mo sa iyong panaginip, sa kasong ito, ang iyong karelasyon. Maaaring nagpapahiwatig din ito na dapat mong isama ang mga quality na ito para sa iyong sarili. Posible rin na ito ay may kaugnayan sa iyong inaasam na kaligayahan at kapayapaan sa buhay, kapag ikaw ay lumagay na sa tahimik.

Maaaring ito ay simbolo ng new beginning o transition sa iyong kasalukuyang buhay. May kaugnayan din ito sa commitment at independence.

Alternatively, posibleng ang napanaginipang wedding ay may kaugnayan sa damdamin ng bitterness, sorrow, o death. Ang ganitong panaginip ay kadalasang negatibo at nagha-highlight ng ilang anxiety o fear.

Kung ikaw naman ay talagang ikakasal at napanaginipan ito, highlight sa stress ng paghahanda at pag-oorganisa sa nalalapit mong kasal na kadalasan ay may kaugnayan sa wedding details, tension sa family at in-laws, fear of commitment, at loss of independence. Ito ang mga kadalasang dahilan ng wedding anxiety dreams.

Base sa research, nagpapakita ito na hanggang 40% ng brides and grooms ay nananaginip ng kanilang kasal at maayos itong nagaganap.

Ang pag-iyak mo sa panaginip ay isang anyo ng pagre-release ng negatibong emosyon bunga marahil ng mga sitwasyong ikaw ay nasa estadong gising. Ito ay isang paraan upang manumbalik ang emotional balance at isang paraan na rin upang mailabas nang maayos ang iyong mga takot at kabiguan.

Sa ating mga pang-araw-araw na pamumuhay ay may mga pagkakataong hindi natin nabibigyan pansin, naitatanggi o nakukuyom ang ating mga damdamin. Ngunit sa estadong tayo ay tulog at nananaginip, ang ating defense mechanisms ay nawawala kaya nagkakaroon tayo ng pagkakataong mailabas ang ating mga nakatagong emosyon kapag tayo ay natutulog. Señor H.

COMMENTS

About hataw tabloid

Scroll To Top

Copyright © 2009 - 2017 hatawtabloid.com