Friday , February 23 2018
Breaking News
You are here: Home / Opinion / Pagkakaisa laban sa terorismo
Pagkakaisa laban sa terorismo

Pagkakaisa laban sa terorismo

SA nangyayaring kaguluhan ngayon sa Marawi City ay patuloy pa rin ang pag-iimbestiga ng National Bureau of Investigation (NBI) sa mga miyembro ng Maute Group at kung sino ang kanilang mga financier/protector.

Naniniwala tayo na may mangyayaring maganda sa kanilang imbestigasyon.

Hindi sila tumitigil sa pangangalap ng impormasyon para masawata nang tuluyan ang mga terorista.

Nagsama-sama lahat sa pag-iimbestiga kasama ang PNP, AFP at iba pang ahensiya ng gob-yerno.

Naniniwala tayo na kapag nagsama-sama ay magiging mabilis ang resulta at mapapanagot ang mga taong nanggugulo sa ating bansa.

Tiwala tayo sa kakayahan ng ating AFP at PNP na magagawa nilang iligtas lahat ng mga si-bilyang na-trap at marekober ang mga nasawi.

Makiisa tayo sa hangarin na makamtam ang kapayapaan sa Mindanao.

***

Nitong nakaraang linggo naaresto ng NBI Davao ang taong gumagawa at nagbebenta ng pekeng national at local goverment.

Ayon sa report, ang suspect ay kinilalang si Mark Anthony Montecalvo Pasion o alyas Jay. Siya ay inaresto dahil sa mga reklamo ng government offices sa Davao.

Buti na lang at naaresto ang taong ‘yan dahil marami ang naloloko at nabibiktima nito.

Nakahuli rin ang NBI ng mga counterfeit motor parts sa Cebu city, Mandaue at Lapu-Lapu City.

Kaya mag-ingat ang mga gumagawa ng kalokohan at ilegal dahil hindi kayo sasantohin ng NBI sa pamumuno ni Director Gierran!

***

Happy birthday pala sa aming Big Boss publisher na si kumpare Jerry Yap.

Wishing you all the best, kumpare and more birthdays to come.

Alam ng marami na napaka-low profile at humble mo sa kabila na marami kang natutulungan. Tulong na hindi ipinamamalita.

Hindi gaya ng iba riyan na konting tulong ay ibinabandera at isinusumbat pa!

Kaya ang laging dasal ko sa iyo, palagi kang malakas at malayo sa sakit kasama ang iyong buong pamilya.

Mabuhay ka kumpare!

PAREHAS – Jimmy Salgado

COMMENTS

About Jimmy Salgado

Scroll To Top
 

Copyright © 2009 - 2017 hatawtabloid.com | All Rights Reserved