Wednesday , February 21 2018
Breaking News
You are here: Home / Sports / Warriors binitbit ni Durant sa 3-0 abanse
Warriors binitbit ni Durant sa 3-0 abanse

Warriors binitbit ni Durant sa 3-0 abanse

ISINALPAK ni Durant ang 7 dikit na puntos mula sa 11-0 panapos ng Golden State kabilang ang pambaong tres sa huling 45 segundo upang wasakin ang pag-asa ng Cavaliers, 118-113 at ipinoste ang pinakamaha-lagang 3-0 bentaha sa kanilang umaatikabong 2016-2017 NBA Finals showdown sa Quicken Loans Arena sa Cleveland, Ohio kahapon.

Naiiwan sa 107-113 sa huling dalawang minuto, kinarga ni Durant ang Golden State nang magpakawala siya ng magkasunod na jumper upang dumikit sa 111-113 bago ma-rebound ang sablay ni Irving at ita-rak ang nagliliyab na tres sa harapan mismo ni LeBron James upang aga-win ang manibela, 114-113, 45 segundo.

Ang kanyang kasangga na si Stephen Curry ang tumapos sa tangkang paghabol ng Cavs sa pagbuslo ng apat na walang kabang free throws para selyohan ang 3-0 bentaha sa Finals.

Kumana ng 31 puntos si Durant habang nagdagdag ng 30 at 26 puntos si Klay Thompson at Curry, ayon sa pagkakasunod para sa Warrios na rumekta sa 15 sunod na panalo at wala pang talo sa playoffs.

Lumapit sa isang hakbang ang Golden State mula sa asam na kampeonato. Tatangkain nilang tapusin ang serye sa Game 4 na lalaruin pa rin sa homecourt ng Cleveland.

Samantala, susubukang pahabain ng Cavs ang laban sa likod ng pambatong si James na nagre-histro ng muntikang triple double na 39 puntos, 11 rebounds at 9 assists gayondin sa katambal nitong si Kyrie Irving na nagliyab sa 38 puntos.

ni John Bryan Ulanday

COMMENTS

About John Bryan Ulanday

Scroll To Top
 

Copyright © 2009 - 2017 hatawtabloid.com | All Rights Reserved