Saturday , June 23 2018
Breaking News
You are here: Home / Sports / Marinero umeskapo sa Cignal (Zarks nilamon ng Racal)
Marinero umeskapo sa Cignal (Zarks nilamon ng Racal)

Marinero umeskapo sa Cignal (Zarks nilamon ng Racal)

NILUNOK nang buong-buo ng Racal Motors ang Zark’s Jawbreakers, 140-90 habang pinitas ng Marine-rong Pilipino Seafarers ang Cignal Hawkeyes sa umaatikabong PBA D-League Foundation Cup kahapon sa Ynares Sports Arena sa Pasig City.

Umariba sa 38-20 sa unang kanto, ‘di na muling nilingon ng Racal ang Zark’s tungo sa kanilang ikalawang panalo sa Foundation Cup upang makasosyo sa Flying V at Team Batangs sa liderato na may 2-0 kartada.

Nanguna si Mark Tallo sa kanyang 26 puntos habang nag-ambag ng 23 at 17 puntos si Gwayne Capacio at Roider Cab-rera, ayon sa pagkakasunod para sa Racal.

Nawalan ng saysay ang 28 puntos ni Celiz para sa Jawbreakers na nahulog sa 0-3 marka.

Samantala, sinarhan ni JR Alabanza ang ring ng Cignal sa huling segundo upang selyohan ang 66-65 silat na panalo ng Marinero.

Binutata niya ang huling dalawang tira na panlamang sa Perkins sa ika-20 segundo at ika-7 segundong marka para sa unang panalo ng Seafarers sa komperensiya.

Pumupog si Alabanza ng kompletong laro na 6 puntos, 8 rebounds at halimaw na 7 supalpal habang nag-ambag ng 15 puntos at 6 na rebounds ang dating PBA player na si Mark Isip. Bumandera para sa kampeon noong nakaraang kom-perensiya na Hawkeyes sina Jason Perkins sa 15 puntos at 8 rebounds at Raymar Jose sa 11 puntos at 14 na boards. Nahulog sila sa 2-2 pintada sa umiinit na Foundation Cup. (JBU)

COMMENTS

About John Bryan Ulanday

Scroll To Top
 

Copyright © 2009 - 2017 hatawtabloid.com | All Rights Reserved