Monday , June 25 2018
Breaking News
You are here: Home / Showbiz / Jaclyn, sumugod sa opisina ng GMA executives, pagkawala ng D’Originals, kinukuwestiyon
Jaclyn, sumugod sa opisina ng GMA executives, pagkawala ng D’Originals, kinukuwestiyon

Jaclyn, sumugod sa opisina ng GMA executives, pagkawala ng D’Originals, kinukuwestiyon

SA taga-ibang estasyon pa namin narinig ang kuwentong ito, hindi sa GMA na pinanggalingan namin.

Totoo nga bang sumugod si Jaclyn Jose sa opisina ng mga GMA executive?

Kilala sa kanyang “underacting,” kung totoo man ito’y tiyak na mahinahon ang ginawang komprontasyon ng de-kalibreng aktres sa mga GMA executive.

Ang dahilan umano ng panunugod ni Jaclyn ay bunsod ng pagkakatsugi sa ere ng programang kinabibilangan niya, ang D’Originals. Reportedly, kinuwestiyon daw ng aktres ang kanselasyon nito gayong hindi ito ang nakasaad sa kanilang kasunduan.

Teka, parang hindi rin namin naramdaman that the said program had gone off air. At kung ito ang collective feeling, malamang sa hindi na ang dahilan ng pagbabu nito sa ere ng wala sa panahon could be attributed to two major reasons: hindi nagre-rate at walang commercial load.

Para sa ilang nakapanood nito, marahil ay hindi ‘yun ang Jaclyn Jose na gustong makita ng mga televiewer. Kahit nga ang kinabilangan niyang A1 Ko Sa ‘Yo, nagsimula’t nagtapos ay parang hindi naman nagmarka sa mga manonood.

For sure, ang hinahanap nila kay Jaclyn ay ‘yung pagganap niya noon bilang kontrabidang mayaman. Remember her role as Donya Charito in 2015?

Given the role na hinahanap ng TV audience, ano ang plano ng GMA para kay Jaclyn na itinuturing pa manding prized possession ng estasyon?

By far ay tatlo sa aming pagkakantanda—sa kasaysayan ng kuwentong panunugod—ang naganap sa bakuran ng GMA. Si Jaclyn kamakailan.

Si Annabelle Rama sa studio noon ng Startalk sa Broadway Centrum at si Robin Padilla sa editing room ng Joaquin Bordado.

HOT, AW! – Ronnie Carrasco III

COMMENTS

About Ronnie Carrasco III

Scroll To Top
 

Copyright © 2009 - 2017 hatawtabloid.com | All Rights Reserved