Monday , September 24 2018
Breaking News
You are here: Home / News / Tax evasion vs oligarchs isusulong ni Digong

Tax evasion vs oligarchs isusulong ni Digong

040717_FRONT
NAWALAN nang bilyon-bilyong piso ang kaban ng bayan dahil hindi nagbabayad nang tamang buwis ang mga “oligarch” kasama ang pamilya Prieto, na inabsuwelto ng administrasyong Aquino sa pagbabayad ng buwis.

Ayon kay Pangulong Rodrigo Duterte, inayos ni dating Bureau of Internal Revenue (BIR) chief Kim Henares ang mga buwis na dapat bayaran ng mga Prieto, may-ari ng Philippine Daily Inquirer (PDI), at Dunkin Donuts.

“Inquirer ang may-ari ng Dunkin’ Donuts. Alam mo ba ‘yan? At may utang ‘yan sila na taxes inayos ni Kim Henares. Walang ibinayad o nagbayad nang konti lang. Iyan ang totoo na mga oligarchs na mga mayaman. Sila ‘yun, they control the airwaves. Sila ‘yung nagfi-feed ng balita na basura. Sila ‘yan,” aniya.

Sa Lunes ay simula na ang seryosong pagkalkal ni Pangulong Duterte sa mga record ng Bureau of Internal Revenue (BIR) upang malaman kung sino ang mga oligarch na nanloloko sa pagbabayad ng buwis.

Katuwiran ng Pangulo, kailangan ng gobyerno ng pondo para maipagkaloob ang mga batayang serbisyo sa mga mamamayan.

READ MORE:  Drilon kontra sa aresto sa Senado (Plunder isinampa sa Sandiganbayan)

“Ang Inquirer may utang ‘yan na running to billion. Kaya Monday, I will — not only Inquirer — I will give them a deadline. I need money to run this country. I need mo-ney to build houses.I build, you know, I build. Hindi ako ‘yung… Gawain nila akong extrajudicial killing? Noong mayor ako I build a city. Now, it’s really I build a country,” aniya.

Noong 2014, naghain ng reklamo si Othello Delanon, dating BIR exami-ner, laban kay Henares dahil tinulugan ang P1.5 bil-yon tax deficieny case ng Golden Donuts, Inc., exclusive Philippine franchisee ng Dunkin Donuts, na pagmamay-ari ng pamil-ya Prieto.

Ang PDI ng mga Prieto ay pangunahing kritiko ng administrasyong Duterte, at napabalitang suportado ang katunggali niyang si Mar Roxas noong 2016 presidential polls.

ni ROSE NOVENARIO

Paid ads ‘di inilabas
ABS-CBN INONSE
SI DUTERTE

INONSE ng media outfit ABS-CBN si Pangulong Rodrigo Duterte noong panahon ng 2016 presidential election campaign.

READ MORE:  Biyenan pinatay, tinangkang gahasain ng manugang

Imbes isahimpapa-wid ang political advertisement ni noo’y presidential candidate Duterte, tinanggap lang ng ABS-CBN ang bayad niya ngunit hindi ini-ere ang kanyang anunsiyo at hanggang ngayo’y hindi pa ibinabalik ang pera.

Ito ang himutok ni Pangulong Duterte sa ABS-CBN network na pagmamay-ari ng pamil-ya Lopez na aniya’y oligarch.

“I have said a mouthful against ABS-CBN sabi ko abangan n’yo ako sa labas putang-inang mga oligarch ‘yan, alam n’yo ba ‘yang ABS-CBN nagbayad ako kasi nagkapera ako no’ng last days na lumakas na ang survey I was hitting 32,” aniya sa ambush interview sa Western Command.

“Everybody was gi-ving me money one of those who offered money si Lucio Tan, I did not accept it, bumili ako propaganda tayo ‘yung putang inang ABS-CBN na ‘yan tinanggap nila pera ko, they never showed mine. Hanggang ngayon wala namang  offer to reimburse or return the mo-ney ganoon kawalanghiya ‘yung mga putang inang oligarchs na ‘yan,” gigil na wika ng Pangulo.

READ MORE:  Leni Robredo isusulong programa para sa urban poor

Kuwento ng Pangulo, imbes iere ang binayaran niyang political ads, ang black propaganda laban sa kanya ni Sen. Antonio Trillanes IV ang ipinalabas ng ABS-CBN gamit ang mga bata kaya naglabas ng temporary restraining order (TRO) ang hukuman laban dito.

“May TRO sinabi ng court do not show it ‘yung mga batang ginamit ni Trillanes which is really against the law ‘yung ginamit nila mga bata ‘wag ‘yan kaso you know that is child abuse that is why a TRO only ABS-CBN ang hindi naniwala ok lang ‘yan. Tinanggap ‘yung pera ko ‘di naman pina-labas na short propaganda ko nabili baka maka-tulong,” anang Pangulo.

Matatandaan, hiniling ni Sen. Alan Peter Caye-tano ang TRO matapos iere ng ABS-CBN ang isang bayad  na anti-Duterte advertisement ni Trillanes na nagpakita ng pagmumura nito pati ang kontrobersiyal na rape joke na may kasamang mga bata.

(ROSE NOVENARIO)

COMMENTS

About Rose Novenario

Scroll To Top
 

Copyright hatawtabloid.com | All Rights Reserved