HATAW! D'yaryo ng Bayan hatawtabloid.com
NATUTUWA si Kathryn Bernardo na hindi siya itinatago ni Daniel Padilla. Very vocal si DJ kung ano ang nararamdaman niya sa dalaga. Makikita rin paminsan-minsan ang holding hands nila, pagyakap, pag-akbay, at pag-aalaga sa kanya. Malaking bagay iyon sa dalaga.
“Hindi ako sanay na hindi ko siya inaalalayan. Alam mo ‘yun?Galing ko rin, ano? Hindi loko lang ha!ha!ha!,” deklara ni DJ. ”Na-spoiled ko masayado,” pagbibiro pa ni Daniel.
Pero idiniin ni DJ na hindi siya sanay na magpaka-sexy si Kathryn sa mga susunod nitong proyekto. Pampersonal lang ang mga sexy photo ni Kath na kinunan sa Boracay at nai-post sa social media.
“Pero darating naman ‘yun. Parang normally, naturally darating ka sa point na gagawin mo na rin ‘yung ganoon dahil ganoon naman talaga. Pangit ‘yung pipilitin mo,” deklara ng actor.
Lagi namang nagpapaalam si Kathryn ‘pag gagawa ng mga maseselang eksena.
“Lagi, lagi ‘yan. Minsan pinag-aawayan pa namin pero siyempre, pinangangalagaan ko lang din naman siya. Hindi naman sa masyado akong overprotective pero siyempre iniisip din naman natin ‘yung mga iisipin ng mga tao, ‘yung fans, siyempre ng mga supporter dahil marami tayong mga batang supporters. Ayaw natin silang mabigla. Gusto natin ‘yung nakasasabay pa rin sila sa amin,” bulalas pa ni Daniel.
Bakit very vocal na sila ni Kathryn ngayon?
“Limang taon na ..ha!ha!ha! Nakakasawa na ‘yung mga pasada..pasadang sagot, eh,” pakli niya.
Twenty seventeen na, ano ba talaga ang status nila?
“Obvious na ‘yun. Alam niyo na ‘yun,” tugon pa ni DJ.
TALBOG – Roldan Castro
