Tahimik pero largado ang 1602 sa AoR ng MPD Malate at Pandacan!

Maraming nagdaang opisyal sa Manila Police District (MPD) ang tila nangangayaw noon sa dalawang Police Station dahil maliit raw ang pitsa ‘este sakop pero ngayon ay tila gumaganda ang ‘kabuhayan showcase’?!

Bigla raw nagbago ang ihip ng hangin sa AOR ng Pandacan at Malate na umano’y lumakas ang mga butas ng bookies ng karera, STL cum tengwe na hawak ng magiting na bagman-cop Tata Paknoy Fresnedi!

Parang kabute rin ang latag ng mga video karera sa Pandacan at Malate area ngayon.

Diyan umano sa San Andres area at sa gilid ng estero sa Pandacan ay piyesta ang mga makina ng video karera!

Ang pagkakaalam natin, kadikit ng 1602 lalo ng VK ang bentahan ng ilegal na droga?!

Sa kabila nang mahigpit na kampanya ni MPD district director Gen. Jigz Coronel laban sa vices ay nakasasalikwat pa ang mga hinayupak!

Sonabagan!!!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap