Magkompareng tulak utas sa shootout

KAPWA patay ang magkompareng tulak ng shabu makaraan lumaban sa mga awtoridad sa ikinasang buy-bust operation sa St. Mary’s Village, Brgy. Caysio, Sta. Maria, Bulacan kamakalawa ng madaling araw.

Kinilala ang mga suspek na sina Marvin Lester Bantoto y Quintos, at Carl Iban Pingol y Centeno, mga residente ng Block 48, Lot 3, Northville 5A, Brgy. Caysio ng nasabing bayan.

Ayon kay Supt. Reinel Valonez, hepe ng Sta. Maria Police, ang magkompare ang operator ng isang hinihinalang drug den sa lugar.

Sa operasyon ng pulisya, nakatunog ang mga suspek kaya nakipagpalitan ng putok sa mga pulis na kanilang ikinamatay.

(MICKA BAUTISTA)