Nasaan si Mayor Casimiro Ynares III ng Antipolo?

NAWAWALA ba si Mayor Casimiro “Junjun” Ynares III?!

‘Yan po ang tanong ng kanyang constituents.

Ikalawang termino na ito ni Mayor Junjun Ynares. Pero nagtataka ang mga residente kung bakit kahit anong oras nila puntahan si Mayor Ynares ‘e hindi nila natitiyempohan sa Mayor’s Office.

Sa madaling salita, laging wala si Mayor Ynares as in zero! Nada!

E ano ba talaga, Mayor? Nasaan ka ba talaga?!

Kaya hindi na tayo nagtataka kung bakit butas-butas na naman ang mga kalsada riyan  sa Antipolo.

Hindi kaya alam ni Mayor Ynares na  nami-miss na siya ng mga constituent niya?!

Aba, Mayor, i-share mo naman sa constituents mo kung ano iyang pinagkakaabalahan ninyo?!

Mabuti na lamang at mayroon kang vice mayor Josefina “Pining” Gatlabayan na siya ngayong laging umiikot para kumustahin ang inyong constituents.

By the way, kumusta na po ang inyong anti-illegal drugs campaign sa Antipolo?!

May nangyayari ba?!

E parang tahimik na tahimik ang bayan ninyo laban sa droga?!

Walang nababalitaan na natotokhang?!

Attention, DILG Secretary Mike Sueno, puwede po bang paki-check ninyo kung ano ang nagyayari kay Mayor Junjun Ynares?!

DIGONG’S WAR ON ILLEGAL
DRUGS MAGTATAGUMPAY

Isa tayo sa mga naniniwala na magtatagumpay sa kanyang kampanya laban sa ilegal na droga si Pangulong Rodrigo Duterte.

Isang dating drug user ang umamin sa inyong lingkod na mismong kanyang supplier ay wala nang makuhang illegal na droga.

Kung sa loob lang ng dalawang taon, naniniwala ang inyong lingkod na tuluyan nang maglalaho ang ilegal na droga.

Basta’t huwag lamang titigil ang Pangulo at si Director General Ronald “Bato” Dela Rosa sa kanilang kampanya.

Kung mismong ang mga supplier o drug pusher ay wala nang makuhang ilegal na droga, ano ba ang kanilang ititinda?!

Kaya mga suki, suportahan po natin si Pangulong Duterte sa kanyang giyera laban sa droga, dahil ang laban na ‘yan ay handog niya sa ating lahat.

Para sa kapayapaan at katahimikan ng bansa!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN – Jerry Yap