Binatilyo utas sa saksak ng stepdad

PATAY ang isang 21-anyos lalaki makaraan pagsasaksakin ng kanyang stepfather bilang ganti sa pambabato ng bote ng biktima sa Malabon City kamakalawa ng gabi.

Agad nalagutan ng hininga ang biktimang si Michael Bansoy ng Block 9, Lot 22, Phase 2, Flovie Homes 2, Letre, Brgy. Tonsuya ng nasabing lungsod, sanhi ng mga saksak sa iba’t ibang parte ng katawan.

Habang nakapiit sa detention cell ng Malabon City Police ang suspek na si Efren Rama, 38, installer ng glass supply, kinakasama ng ina ng biktima at nakatira rin sa nasabing lugar.

Sa imbestigasyon ni PO2 Benjamin Sy Jr., dakong 10:30 pm, natutulog sa loob ng kanilang bahay ang suspek nang magising sa ingay nang pagdating ng biktima.

Dahil sa inis, pinatay ng suspek ang circuit breaker sa loob ng bahay na ikinagalit ng suspek na humantong sa kanilang pagtatalo.

Pagkaraan ay kumuha ng bote ng softdrink ang biktima at ibinato sa suspek na nagawang makailag.

Ngunit kumuha ng patalim ang suspek at pinagsaksaksak ang biktima.

( ROMMEL SALES )