Patricia, aliw sa mga painting sa Mga Obra ni Nanay

ISANG Biyernes ng gabi ‘yon nang biglang bumulaga si Patricia Javier sa Mga Obra ni Nanay, ang art gallery ni Cristy Fermin.

Galing siya at ang kanyang kapatid na si Jay sa Antipolo, may pasalubong na dalawang klase ng suman.

Sa mga hindi nakaaalam, nagpipinta rin si Genesis (tunay na pangalan ni Patricia). Edad 28 at nakabase sa San Diego, California with her chiropractor-husband Rob Walcher, para hindi mainip ay kinumbinsi siya ng asawa na subukan ang pagpipinta.

Ganoon na lang din ang fascination ni Patricia sa mga nakakuwadrong sining that she instantly bought a piece mula sa gallery ni Tita Cristy.

Makukulay na bulaklak na ipininta ng noo’y UP student taong 2010 ang painting na nakursunadahang bilhin ni Patricia, balak niya itong isabit sa kuwarto nila ni Rob.

Minsan nang nagkaroon ng painting exhibit si Patricia sa San Diego. Around 25 na piraso ang nabenta, the most expensive of which ay nagkakahalaga ng US$900.

( RONNIE CARRASCO III )