Duterte, natuwa sa panggagaya ni Jose

MAY bagong pagkakaraketan na naman si Jose Manalo dahil havey ang panggagaya niya sa magiging bagong Pangulo ng Pilipinas na si Rodrigo Duterte sa isang segment ng Sunday Pinasaya.

Napanood ni Digong ang pag-impersonate ni Jose at natutuwa naman siya. Kuhang-kuha raw ang kilos niya. Ipinaliwanag din niya kung bakit laging nakalagay sa mukha niya ang mga kamay niya dahil dati pala ay nadesgrasya siya sa motor at para mabawasan ang sakit ay dinidiinan niya’yung sa ilalim ng tenga niya. Ang bilin lang niya kay Jose huwag masyadong idikit ang kamay nito sa mukha niya.

Tugon naman ni Jose, “Ayaw ko pong masira ‘yung karakter ninyo. Tinatakpan ko po dahil mas makinis po ang mukha ninyo kaysa akin ‘di hamak.”

Isa pang, nakakakaloka sa segment na ‘yun ay parang ‘bitter’ si Ai Ai Delas Alas at pinagdidiskitahan ang impersonator ni Kris Aquino na si Barbie Forteza. Talagang tinatarayan niya at noong isang Linggo ay sinabihan pa niya ito ng, “Alam mo hanggang dito, masama ang ugali mo ha.”

Nasa script ba ‘yun o totohanan ang pagtataray ni Ai Ai?

Baka naman joke lang!

TALBOG – Roldan Castro