HATAW! D'yaryo ng Bayan hatawtabloid.com
UMABANTE sa playoffs ang Indiana Pacers matapos tambakan ang Brooklyn Nets 129-105 kahapon sa 2015-16 National Basketball Association, (NBA) regular season.
Bumanat si Myles Turner ng 28 points at 10 rebounds habang kumana si Solomon Hill ng 13 points at 12 rebounds para ilista ng Indiana ang 43-37 win-loss slate at upuan ang seventh place sa Eastern Conference.
Bumakas sina George Hill, Ian Mahinmi at Paul George ng 18, 16 at 15 markers ayon sa pagkakasunod para sa Pacers.
Umarangkada agad ang Pacers sa first quarter 17-5 at lumubo ang lamang hanggang 42 points.
May natitira pang dalawang laro ang Pacers, puwede pa silang umakyat ng puwesto.
Laglag na sa season ang Brooklyn na may 29-59 karta.
Si Sean Kilpatrick ang namuno sa puntusan para sa Nets matapos magtala ng 26 puntos sinundan siya nina Donald Sloan at Markel Brown na may 19 at 18 markers.
Samanta, pinaluhod ng Golden State Warriors ang San Antonio Spurs, 92-86 habang pinaso ng Miami Heat ang Orlando Magic, 118-96. ( ARABELA PRINCESS DAWA )
