Amang senglot nag-amok, binoga ng anak

VIGAN CITY – Isinugod sa pagamutan ang isang padre de pamilya makaraang barilin ng sariling anak nang mag-amok ang lasing na ama kamakalawa sa Ilocos Sur.

Kinilala ang biktimang si Felipe Gorospe, 60, tricycle driver, habang ang salaring anak ay si Philip Gorospe, 28, negosyante, parehong residente ng Cabanglutan, San Juan, Ilocos Sur.

Batay sa pagsisiyasat ng mga awtoridad, nag-inoman ang mag-ama sa loob ng kanilang bahay nang magkaroon sila nang matinding pagtatalo.

Bunsod nito, nagwala ang biktima at pinagbabasag ang kanilang gamit.

Dahil hindi maawat ng suspek ang ama, kumuha ng baril ang suspek at pinagbabaril ang biktima.

Boluntaryong sumuko sa mga awtoridad ang suspek at nakuha sa kanya ang cal. 38 na ginamit sa pamamaril.

Habang isinugod sa ospital ang biktima at patuloy na nagpapagaling.