Laban ni Ayong Maliksi vs jueteng… i-push mo ‘yan Chairman!

NANINIWALA tayo na ang operation ng National Bureau of Investigation (NBI) base sa sumbong ni Philippine Charity Sweepstakes Office (PCSO) chairman Ayong Maliksi ay hindi isang operation pakilala.

Naniniwala ang inyong lingkod na ito ay pagpapatuloy sa inihayag na laban ni dating PSCO chairman Margie Juico laban sa jueteng pero sa hindi malamang dahilan ay wala rin nangyari.

Masasabi nating mabigat na rin ang pinasimulang laban ni Chairman Ayong ngayon dahil pinuruhan niya ang mga area kung saan konsentrado ang jueteng operation ng sinasabing gambling lord na si Bong Pineda.

Matagal nang iminungkahi ni dating chairwoman Juico na palitan na ang pangalan ng Small Town Lottery (STL) sa Loterya ng Bayan.

Ang layunin daw niyan ay upang wakasan ang paggamit ng mga gambling lord sa STL bilang prente ng jueteng lalo sa kanilang mga baluarte.

Nakapagtataka nga naman na pagkarami-raming tumataya sa STL pero kakaunti lang ang pumapasok sa kaban ng PCSO.

Pero sa mismong sistema kasi ng STL ay mayroong nasilip na kahinaan ang mga gambling lord. Kung P10 ang taya sa isang kombinasyong numero sa jueteng ay P3, P5 at pwede pa ngang piso.

Mantakin ninyong ang P10 ay pwedeng 2 hanggang 4 na kombinasyon ng numero?! ‘E ‘di sa jueteng na lang sila tataya?!

Ibig natin sabihin, hindi lamang dapat panghuhuli o pagsalakay sa mga tukoy na kuta ng gambling lords ang dapat gawin ng PCSO.

Kailangan din sigurong ayusin ang sistema mismo ng palaro ng STL at ‘yung mismong prangkisa.

Anyway, alam nating yakang-yakang ni Chairman Ayong ‘yan…

Huwag lang sana siyang masalisihan ng mga mahilig sa oplan pakilala.

Push mo ‘yan Chairman Ayong Maliksi!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com