Beki dedo sa saksak

PATAY ang isang bading makaraan pagsasaksakin ng tatlong hindi nakilalang lalaki habang naglalakad sa Pedro Gil St., Paco, Maynila kahapon ng madaling-araw.

Natagpuang tadtad ng saksak sa katawan ang biktimang si Ali Macky Ramos, nasa hustong gulang, ng 1715 Interior 8, Bo. San Vicente, Paco, Maynila, habang inaalam pa ng pulisya ang pagkakakilanlan ng mga suspek na mabilis na tumakas.

Ayon kay PO3 Cayabyab ng Manila Police District Homicide Section, dakong 3:20 a.m. nang maganap ang insidente sa tapat ng Dr. M. Icasiano Health Center.

Sinasabing pinagkumpulan ng mga suspek ang biktima at pinagtulungang saksakin. Bagama’t sugatan ay nakapaglakad pa ang biktima ngunit pagsapit sa barangay hall ay nawalan ng malay.

Isinugod ang biktima sa pagamutan ngunit binawian ng buhay habang nilalapatan ng lunas. 

Inaalam ng mga awtoridad ang posibleng motibo sa pananaksak na nakita sa footage sa nakakabit na CCTV sa lugar.

Leonard Basilio, may kasamang ulat ni Angelica Ballesteros