1 patay sa sunod-sunod na buhawi sa Pangasinan

DAGUPAN CITY – Nababahala ang mga residente sa Pangasinan makaraan ang sunod-sunod na pananalasa ng buhawi sa iba’t ibang lugar sa lalawigan sa nakalipas na mga linggo.

Ilan sa mga residente ay nangangamba na posibleng maulit ang insidente gaya nang malakas na buhawi na tumama sa bayan ng Bayambang na isa ang naitalang patay habang 15 barangay ang naapektohan.

Nito lamang Sabado ng gabi, namataan muli ang isang waterspout na nabuo sa karagatang sakop ng Dagupan City makaraan ang mainit na maghapon.

Kasabay nang malalakas na kulog at kidlat, namataan ang naturang buhawi na tumagal nang halos dalawang minuto bago tuluyang nalusaw.

Ilang beses na rin nagkaroon ng buhawi sa Pangasinan partikular sa bayan ng Asingan, Bayambang at sa Lungsod ng Dagupan.