HATAW! D'yaryo ng Bayan hatawtabloid.com
ni Roland Lerum
MARUNONG pumili ng mapapangasawa si Diana Zubiri. Bukod sa guwapo na, may pera pa ang napili niya. Si Andy Smith ay isang Fil-Australian at negosyante pa. Mukhang sa Australia sila maninirahan at gusto mang ipagpatuloy ni Diana ang pag-aartista, mapuputol itong tiyak.
Ikinasal si Diana kay Andy kamakailan sa Sampaguita Gardens, isang civil wedding. Kinuha niyang isa sa ninong ng kasal ang manager niyang si Jojo Gabinete. Pero hindi niya ito isasama sa Australia.
Isa sa kinumbida ni Diana sa kasal ay ang kaibigan at dating beauty queen-actress na si Dindi Gallardo. Parang hindi tumanda si Dindi. Maganda pa rin at alaga ang katawan. Gusto raw niyang mag-comeback at kahit mother role ay okey lang. Foreigner din ang napangasawa niya, si Eric Scott Mills, pero wala pa silang anak hanggang ngayon kaya siguro bored at gustong mag-artistang muli. Gusto raw niyang makatrabahong muli si Gabby Concepcion. Eh, si Gabby naman kaya, gusto siyang makatrabaho?
