2 kelot tigok sa heat stroke

HINIHINALANG biktima ng heat stroke ang dalawang lalaking natagpuang walang buhay sa magkahiwalay na lugar sa Pasay City.

Sa natanggap na ulat ni Pasay City Police Officer-In-Charge (OIC), Senior Supt. Joel B. Doria, kinilala ang mga biktimang sina Abelardo Cruz, 60, driver, may asawa, residente ng 4927 Enrique St., Brgy. Palanan, Makati City, at Nilo Canoy, 39, ng 444 Guerrero St., Brgy. 666, Zone 72, Ermita, Manila.

Sa pagsisiyasat ng pulisya, dakong 8 p.m. nang matagpuan si Cruz ni Errol Bosquillos, secretary ng San Rafael Parish Church, Pasay City habang nakahandusay sa ikalawang palapag ng nabanggit na simbahan.

Habang si Canoy ay natagpuan dakong 10:50 a.m. habang nakahandusay sa center island ng Roxas Boulevard, panulukan ng Vicente St. ng nasabing lungsod.

Sa teyorya ng pulisya, posibleng kapwa na-heat stroke ang mga biktima dahil sa tindi nang nararanasang init ng panahon.

Jaja Garcia