2 riding-in-tandem utas sa checkpoint sa Bulacan

TATLO ang agad namatay habang isa ang idineklarang dead on arrival sa pinagdalhang ospital sa apat kalalakihang sakay ng dalawang motorsiklo makaraan makipagbarilan sa mga pulis sa inilatag na checkpoint sa McArthur Highway, sakop ng Brgy. Longos, sa Lungsod ng Malolos, Bulacan kahapon ng madaling-araw.

Kinilala ang mga napatay na sina Reynaldo Dumayan ng Navotas City, Jose Mirasol at Wilson Arboleda ng Caloocan City, at isang nakilalang Jerry Anoy na sinasabing kalalabas pa lamang ng New Bilibid Prison dahil sa hindi nabatid na kaso.

Ayon sa ulat, dakong 1 a.m. nang parahin ng mga pulis ang mga suspek sa checkpoint ngunit imbes huminto ay pinagbabaril ng mga suspek ang patrol car kaya gumanti ng putok ang mga awtoridad.

Narekober  mula  sa  pag-iingat ng mga suspek ang tatlong kalibre .38 revolber, isang kalibre .45 pistola, mga bala at dalawang motorsiklo.

Daisy Medina