Aktres pinababa sa eroplano nang manapak ng pasahero (P.5-M multa pwedeng ipataw)
hataw tabloid
March 21, 2015
News
PINABABA ng eroplano ang aktres na si Melissa Mendez makaraan manapak ng flight attendants at pasahero ng Cebu Pacific nitong Biyernes.
Sa Instagram post ng actor-athlete na si Andrew Wolff, ibinahagi niya ang pangyayari sa erop-lanong biyaheng Pagadian na humantong sa pagpapababa sa aktres.
Kuwento niya, may isang Pinay na artistang laos (past her prime) na umupo sa reserved seat ni Wolff at ng kaibigan niya.
Halos 30 minutong nagmumura ang amoy-alak na aktres na pinaaalis ng flight attendants, kapitan ng eroplano at ng ground security at sinabihang bumalik sa sarili ni-yang upuan.
Panay aniya ang giit ni Mendez na isa siyang sikat na aktres.
Pinagmumura rin niya ang kaibigan ni Wolff saka siya dalawang beses na binalaan ng flight attendants na huminto.
“She punched my friend and the flight attendants and had to be restrained. The captain announced: ‘Ladies and gentlemen, I apologize, but we have to go back to Manila due to one unruly passenger.’”
Sanabi umano ng kapitan kay Mendez, “hindi na, bababa ka na, hindi ka na pwedeng sumakay, nasaktan mo pati flight stewardess ko.”
Ayon kay Wolff, 20 ground staff ang nag-unload kay Mendez.
Sa inilabas na statement ng Cebu Pacific, inihayag nila na patuloy ang koordinasyon nila sa awtoridad hinggil sa insidente.
Alinsunod sa Revised Penal Code of the Philippines at sa Civil Aviation Authority Act of 2008, ilegal ang asal na nananakot sa crew members at sa mga pasahero. Sino mang lumabag sa batas na ito ay agad aarestohin paglapag ng erop-lano. Kapag napatuna-yan ang paglabag ma-aaring magmulta ng ha-lagang P500,000 hanggang tatlong taon pag-kabilanggo.