Pagiging ‘cougar’ ni Carmina, ‘di bagay

ni Ed de Leon

MUKHA bang “cougar” si Carmina Villaroel? Ang sinasabing “cougar” ay iyong mga babaeng may edad na at nagkakagusto sa mga mas batang lalaki. Iyon ang role ni Carmina roon sa Bridges of Love, iyong bago nilang tele serye sa Channel 2. Kung kami ang tatanungin, parang hindi bagay dahil napakaganda ni Carmina at hindi naman siya mukhang “cougar”.

Pero iyon nga ang role, na sinasabi ni Carmina na ngayon lamang niya gagawin, at pinaniniwalaan naman niyang magagawa niya nang mahusay. Eh wala rin namang kuwestiyon doon, isang mahusay na aktres si Carmina.

Pumayag din daw si Carmina sa mga sexy scene na kasama si Paulo Avelino. Pero sigurado naman iyang walang delikado, hindi naman papayagan sa TV iyong matindi talaga, kahit sabihing SPG pa siya. Natural lang na mas mahigpit ang ratings sa telebisyon.