Bong humirit na mabisita si Jolo

HINILING ng kampo ni Senador Bong Revilla sa korte na payagan siyang mabisita sa ospital ang kanyang anak na si Cavi-te Vice Governor Jolo Revilla. 

Nagpapagaling ngayon ang batang Revilla sa Asian Hospital makaraan maputukan ang sarili habang naglilinis ng kanyang baril, Sabado ng umaga. 

Sa tatlong pahinang mosyon sa Sandiganbayan First Division ng mga abogado ni Revilla, hiniling ng senador na mabisita ang anak sa loob ng tatlong oras.

Nang malaman ng senador ang insidente, labis ang kanyang pagka-bigla at agad ninais na makita ang anak.

Ayon sa mga abogado, wala pang nakasaad sa kanilang mosyon kung kailan ang paglabas sa kulungan dahil ibabase pa nila ito sa iskedyul na papayagan ng ospital.

Inatasan ng korte ang prosekusyon na magkomento agad-agad hinggil sa nasabing kahilingan.