Parak tigbak sa Cavite ambush

PATAY ang isang pulis makaraan tambangan ng riding-in-tandem sa Brgy. Palico 4, Imus, Cavite kamakalawa.

Kinilala ang biktimang si PO3 Renato Amin, nakatalaga sa Criminal Investigation and Detection Unit (CIDU) ng lalawigan.

Ayon kay Criminal Investigation and Detection Group (CIDG) Chief Inspector Ricky Neron, galing sa surveillance ang biktima at pabalik na sa estasyon nang tambangan at pagbabarilin.

Isang babaeng kinilala lamang sa pangalang Gemma ang tinamaan ng ligaw na bala sa insidente at kasalukuyang nilalapatan ng lunas sa pagamutan.

Sisiyasatin ang kuha ng CCTV sa lugar na posibleng nakahagip sa insidente.