Talagang win na win ang mga Gatchalian sa Valenzuela City

WIN na WIN ang mga Gatchalian sa Valenzuela City.

‘Yan kasi ang sinasabi ni Congressman Sherwin sa kanyang mga TV ads ngayon na win na win ang kanilang program para bayan.

By the way, ang aga naman TV ads n’yan? Tatakbo ka bang Senador, Mr. Congressman?

Sabi nga, hindi lang mga Binay ang ehemplo ngayon ng political dynasty sa cosmopolitan cities ng bansa.

Nariyan din ang Gatchalian siblings, anak ng plastic king na si William Gatchalian.

Kumbaga, naipagkit ng angkang Gatchalian sa kanilang kahariang plastic ang swerte.

Ang kasalukuyang alkalde ay si Rexlon, ang Congressman ng First District ay si Sherwin na naging Mayor muna, at si Wesley naman ay Alay-Buhay party-list representative na essentially ay congressman din.

O hindi ba talagang WIN na WIN ang mga Gat-chalian sa Valenzuela?!

Hinihintay na lang nga natin na tumakbong barangay chairman ang erpat nilang si William para makompleto na ang dinastiya nila sa politika.

Patok na patok talaga ang PAKYAWAN sa politikang Pinoy style.

Hik hik hik…