Saturday , November 17 2018
Breaking News
You are here: Home / Opinion / Mga tagong ‘buwaya’ sa Customs

Mga tagong ‘buwaya’ sa Customs

HANGGANG ngayon, may mga nakatagong ‘buwaya’ na patuloy na nakapag-o-operate at yumayaman sa Bureau of Customs (BoC). Sila ang dahilan kaya nakalulusot ang mga ipinupuslit na produkto mula sa bigas, pekeng gamit hanggang sa electronic gadgets at mga kasangkapan.

Kamakailan lang ay nasabat ng mga awtoridad ang mga pekeng signature bags na nagkakahalaga ng mahigit isang bilyong piso sa loob ng isang warehouse sa Binondo, Maynila.

Ang kontrabandong ito ay isa lang sa mga produkto na nakalulusot dahil sa mga tagong buwaya ng BoC na tulad ng isang alyas “Vidal,” na naniningil umano sa mga broker at consignee ng P230,000 sa bawat container upang mailabas ang kargamento nila nang walang problema.

Ayon sa ating source, si Vidal ay sakit ng ulo ng mga broker dahil kung hindi sila papayag sa presyong P230,000 na singil ay pag-iinitan ang kanilang kargamento. Malamang ay hindi na raw nila mailabas dahil ginagamit ni Vidal ang pangalan ng isang mataas na opisyal ng BoC.

READ MORE:  Iba ang tinitingnan sa may tinititigan?! (Trato ng PNP kay David Lim Jr.,)

***

Nauna rito ay sinamsam ng mga operatiba ng Customs ang ilang puslit na kargamento na nagkakahalaga nang kukulangin sa P1 milyon.

Kabilang dito ang 342 kahon ng “ukay-ukay” na binubuo ng mga segunda-manong damit, sapatos, laruan at gamit sa opisina na tulad ng calculators na idineklara bilang “door window frames,” at dalawang 40-foot container vans na naglalaman ng bawang na pawang walang kaukulang papeles.

Nakahuli rin ang Customs ng mahigit 30 container vans ng ipinuslit na kargamento na naglalaman ng iba-ibang produkto tulad ng bigas, bawang, telebisyon, parte ng computer, at “chop-chop” na sasakyan na nagkakahalaga ng P40 milyon sa Misamis Oriental. Nakatakdang kasuhan ang mga negosyanteng nasa likod ng pag-aangkat ng mga kontrabando.

READ MORE:  Nakakadiri nang talakayin ang pangungurakot ni Binay et al

***

Kinasuhan ng smuggling ng BoC ang mga kinatawan ng Silent Royalty Marketing na nasa likod ng pag-aangkat ng bigas na nagkakahalaga ng P648 milyon sa merkado nang walang kaukulang permiso.

Ang bigas na nagmula sa Thailand at Vietnam ay idinaan nila sa mga daungan ng Maynila at Cebu mula Setyembre hanggang Nobyembre 2013.

Kinasuhan din ng Customs ang Bold Bidder sa ilegal na pag-aangkat ng bigas na nagkakahalaga ng P512 milyon sa merkado. Ang ilang broker na sangkot sa smuggling tulad ng naglilingkod sa Bold Bidder ay natuklasan sa pagsisiyasat ng Senado na konektado sa sinasabing big-time rice smuggler na si David Bangayan.

READ MORE:  Grace inilampaso si Binay

***

Ayon kay BoC Commissioner John Sevilla, pinaigting nila ang kampanya laban sa smuggling, at makikita naman ito sa mga kargamento at kontrabando na kanilang pinaghuhuli.

Pero dapat siguro ay lumingon-lingon siya sa kanyang paligid at kilalanin nang husto ang mga tauhan niya. Ang problema ay nag-uugat sa loob ng Customs. Hindi makalulusot ang mga puslit na kargamento kung walang buwaya na nagpahintulot nito, kapalit ng malaking halaga. Sila ang dapat sibakin at baka pati pangalan ni Sevilla ay ginagamit nila sa kanilang raket.

***

SHORT BURSTS. Para sa mga komento o reaksiyon, mag-email sa [email protected] o mag-tweet sa @Side_View.

Robert Roque Jr.                                                 

COMMENTS

About hataw tabloid

Scroll To Top
 

Copyright hatawtabloid.com | All Rights Reserved