Titser dinukot

SAMANTALA, isang guro ang hinihinalang dinukot ng hindi nakilalang kalalakihan habang nagpapahinga sa kanyang bahay sa City San Jose del Monte, Bulacan.

Sa ulat mula sa tanggapan ni Senior Supt. Ferdinand Divina, Bulacan police director, kinilala ang biktimang si Manolito Matusalem, 35, residente ng Evergreen Subdivision, Brgy. Gaya-Gaya sa naturang lungsod.

Batay sa ulat, dalawang kalalakihan na armado ng matatalas na patalim ang biglang dumating sa bahay ni Matusalem.

Isa sa kanilang ang pwersahang pumasok sa loob habang ang isa ay nagsilbing look-out.

Nabatid na habang nakatutok ang patalim ay kinaladkad ng mga suspek ang guro sa isang naghihintay na tricycle at pinaharurot ang sasak-yan sa hindi pa malamang direksiyon.

Ilang minuto maka-raan ang sinasabing pagdukot sa guro ay ipinagbigay-alam ito ng ilang residente sa himpilan ng pulisya sa naturang lungsod.

Agad ipinag-utos ni Divina sa CSJDM police na magsagawa ng malalimang imbestigasyon sa insidente para makilala ang mga dumukot sa biktima.

Micka Bautista