HATAW! D'yaryo ng Bayan hatawtabloid.com
MABUTI at ‘di pinagseselosan ni Toni Gonzaga ang pagiging malapit ng boyfriend n’yang si Paul Soriano sa maganda at bata pang filmmaker na si Hannah Espia.
“My life changed when I met her!” pagtatapat ni Paul kay John “Sweet” Lapus noong 11th Golden Screen Awards sa Teatrino, Sabado ng gabi. Si Hannah ang tinutukoy ng boyfriend ni Toni.
Tiyak na malapit si Paul kay Hannah dahil siya ang producer ng pelikulang Transit na idinirehe ni Hannah na nagwaging best director noong gabing iyon (bukod pa sa Best Picture-Drama, na siyang dahilan kung bakit iniinterbyu ni Sweet si Paul bilang producer).
Dahil siguro sa tunog, napakadisenteng tao ni Paul kaya ‘di naisip ni Sweet na balahurain ito. Hindi n’ya biniro ang guwapong producer-director (na apo ng matinee idol noon na si Nestor de Villa) na baka si Hannah ang dahilan kaya hindi ito nagmamadaling pakasalan si Toni gayong pitong taon na pala ang relasyon nila.
Pero naitanong din naman ni Sweet kay Paul kung nagpaplano na sila ni Toni na magpakasal. At ang sagot ng binata ay “oo naman kahit paano” bagamat ‘di pa seryoso ang usapan. Alam naman daw n’yang enjoy na enjoy at abalang-abala pa si Toni sa career n’ya.
Si Paul din naman ay abala bagamat pinasok na rin n’ya ang pagpoprodyus, ipagpapatuloy pa rin n’ya ang pagdidirehe ng pelikula.
Si Hannah ang nagwaging best director. Nang kapanayamin siya ni Sweet, hindi naalala nito na kalkalin ang lovelife ng magandang direktora na 26 years old pa lang. Actually, unang full-length movie pa lang n’ya ang Transit.
May script na rin naman siya para sa susunod n’yang pelikula na ilalako (ipi-pitch, sa bokabularyo ng filmmakers) pa lang n’ya for funding sa isang international filmmakers organization.
Danny Vibas
