HATAW! D'yaryo ng Bayan hatawtabloid.com
DOBLENG kamalasan ang sinapit ng isang inhinyero nang dalawang beses ma-hit and run ng isang kotse at truck habang minamaneho ang kanyang motorsiklo at tinatahak ang South Luzon Expressway (SLEX) kahapon ng madaling araw sa Makati City.
Namatay noon din ang biktimang si Jun Yasul, 57, ng Cairo St., Purok 4, Multinational Village, Brgy. Moonwalk, Parañaque City, bunsod ng pinsala sa ulo at katawan.
Kinilala ang biktima sa pamamagitan ng kanyang Professional Regulation Commission (PRC) ID.
Sa imbestigasyon ni SPO1 Mercelino Peralta, ng PNP-Highway Patrol Group(HPG), dakong 3:30 a.m. nang maganap ang insidente sa south bound lane ng SLEX sa Brgy. Magallanes Village, Makati City.
Habang minamaneho ng biktima ang kanyang motorsiklo nasagi siya ng isang kotse na hindi nakuha ang plaka.
Tumilapon si Yasul nang ilang metro ang layo at muling nasagasaan ng isang truck na hindi rin naplakahan.
Jaja Garcia
