HATAW! D'yaryo ng Bayan hatawtabloid.com
HINDI pinatawad ng holdaper maging ang isang 11-anyos batang nagtitinda ng pandesal kamakalawa ng umaga sa Caloocan City.
Hindi makausap nang maayos at nanginginig sa takot ang batang si Mark Christian “Kokey” Santos, sa pagnanais na makatulong sa pamilya ay nagtinda ng pandesal sa kanilang lugar.
Ayon sa ulat ng mga awtoridad, dakong 7:30 p.m. nang maganap ang insidente malapit sa bahay ng biktima sa Resettlement Site, Reform 168, Deparo, Brgy. 168 ng nasabing lungsod.
Sinabi ng biktima, nang makasalubong niya ang hindi nakilalang suspek ay bigla siyang hinawakan at tinutukan ng patalim.
Pwersahan aniyang kinuha ng suspek ang mahigit P200 niyang kinita at tinangay pati ang mga pandesal.
Nagbanta ang suspek na may mangyayari sa biktima kapag nagsumbong kaya sa matinding takot ng bata ay nanginginig na nakatayo lamang sa kalsada hanggang sa makita siya ng mga residente kaya dinala siya sa barangay hall.
(ROMMEL SALES)
